قصيدة تعبانات مكتوبة كتابة كاملة مرتضى حرب
اداء وكلمات : مرتضى حرب
تعبانات
تعبانات .. جايات امن السبي
والوجانات .. صارن ابلون العبي
يازينب .. يازينب ..
تعبانات عمت عيني عليهن
والحبال شمسويه ابـ إيديهن
وليهن أگعد ياوليهن
شوف السوط شمسوي ابعبيهن
هاي اشلون .. حيرة يأهل المرجله
تبچي ام عون .. تشتكي من كربله
يازينب .. يازينب
يبن امي مهضومه جيتك
راح انخاك تگعدلي ريتك
اتظل مطروح چا شنهي نيتك !
خويه حسين ابداعة حميتك
گوم وشوف .. بيه شمسوي التعب
من الخوف .. توارد اوياي الذهب
يازينب .. يازينب
خويه حسين گوم أگعد ألهن
بالعباس مو انته عمهن
خلي ايگوم يعدل شيلهن
حملهن مايل حملهن
زينب هاي .. گله ردت يالكمر
سوي افياي .. گله تعبها السفر
يازينب .. يازينب
عندي اعتاب ويه الكفلني
يرضه ابهاي واحد يطگني
من السوط يوجعني متني
ظل الطير يغفه اعله وني
حگي اعليه .. گله خل يلحگ علي
آنه ادريه .. دمه جامد عـ الصبي
يازينب .. يازينب
خويه حسين كلفه عليه
ناس اتگول عني سبيه
من الحبال توجعني اديه
هضمتني ابنيتك رقيه
بأرض الشام .. ظلت ابنيتك تره
اشلون اتنام .. وأهي ميته اميسره
يازينب .. يازينب
مهضومات ردينه ليكم
نساوين وحگنه عليكم
بس انتم خويه اشبديكم
مشتاگات نسمع حجيكم
بس نسوان .. جينه يمكم يخوتي
والرضعان .. بلوه بيهم بلوتي
"" ياحسين .. ياحسين ""
ياحسين إنته حنين انته امن أهلنه
واحنه فقيره وحيل نهوه البي محنه
يهدون
گبل چانوا هلي الجرحي .. يهدون
جفوني وگاموا ابحيلي .. يهدون
الحرمه التنولي اخوتها .. يهدون
امن اصيحن ياهو اليهد اليه ..!
تمت كلمات قصيدة تعبانات مرتضى حرب مكتوبه كتابه
\
قصائد مرتضى حرب مكتوبة