كلمات قصيدة كومن بنات النبي مكتوبة كتابة كاملة
قصيدة بنات النبي مكتوبة باسم الكربلائي
كلمات عبد الخالق المحنه
📜قصيدة : بنات النبي
✒الشاعر : السيدعبدالخالق المحنة
🍂🍂🍂🍂🍂🍂
گومن بنات النبي
خيطن خيمچن عبي
هاي الزلم ما تضل
باچر وراچن سبي
🍂🍂🍂🍂🍂🍂
ياالله استعدن لباچر
هالليلة كلش گصيرة
باچر زلمنه تسافر
كل من يروح لمصيره
إنسن دلال الهواشم
إنسن صفات الأميرة
كل وحدة تلزم طفلها
لوذن أسيرة بأسيرة
وبسرعة كون المشي
نحن نسا و نختشي
لا يبقى عندچن أمل
باچر وراچن سبي
🍂🍂🍂🍂🍂🍂
من هسه خليني فكر
لمن تصير المسية
ليلى تحامي رقية
وني علي البقية
من الشمر يعتنيلي
لالا تطيحن علي
خلنني وحدي لسياطه
لمن يگطع ايدي
باچر سياط الهضم
خل تنزل على العضم
خلي أبشر الكفل
باچر وراچن سبي
🍂🍂🍂🍂🍂🍂
ما ظل وكت يالحراير
باچر تسافر زلمنا
باچر غطانا سحابة
ناتج مداخن خيمنا
صيرن درع يا خواتي
ونا أشيلن علمنا
نحن ثكالى و أرامل
بالغربة من يحترمنا
نصبغ وجهنا بدماء
حتى العدو نوهمه
كل شي صفا محتمل
باچر وراچن سبي
🍂🍂🍂🍂🍂🍂
لالا تلفظن أسامي
خاف العدو يكتشفنا
يبقى يسب الغوالي
يعرفها نقطة ضعفنا
كل غالي باچر نتركه
ماكو أهم من شرفنا
واللي يطمئننا باچر
كلش قريبة نجفنا
باچر حرب تستمر
بين الخدر و الشمر
واقع صبح مو مثل
باچر وراچن سبي
🍂🍂🍂🍂🍂🍂
شوفن وجوه الغوالي
ساعة و حفظن علايم
يختلف باچر شكلهم
لمن تطيح العمايم
جثة تطيح على جثة
تلتم جسوم الهواشم
رمله يليله تحيرن
منهو علي و منهو جاسم
كل الجثث تنسحگ
تتگطع و تفترگ
إنسن عتاب الأهل
باچر وراچن سبي
🍂🍂🍂🍂🍂🍂
مهد الطفل خل نبعده
شوفوله خيمه بعيده
رمله بعد لا تهلهل
شمع العرس ما نريده
لمن تشوفن كفيلي
لحد تباوع له ايده
وبن امي باچر نشوفه
سيف اليمزگ وريده
خل ننظر لرقبته
وكت الظهر ذبحته
ودعننه بس بالعجل
باچر وراچن سبي
🍂🍂🍂🍂🍂🍂
من هسه صيرن سبايا
ونا الحرس والكفيلة
أتعلم على الحراسة
ما ظل وكت هي ليلة
ما نشتكي من ألمنا
من يسمع و نشتكي له
أدري علينا صعوبة
قصة سفرنا طويلة
باچر زند ينبتر
باچر ظهر ينكسر
عالشاطي يوگع جبل
باچر وراچن سبي
🍂🍂🍂🍂🍂🍂
لو وحدة باچر ولوها
لازم تخف بمشيها
خلها تنادي يزينب
علي تأشر بيديها
حتى يعرفني و يجيني
بلكت بعد ما يجيها
إختك يراعي الكفالة
كلها تدور عليها
يا ويلي وكت الظهر
يرجع لي خالي المهر
أعرف أخويا نچتل
باچر وراچن سبي
كلمات كومن بنات النبي
للشاعر عبد الخالق المحنه
لاتنسى متابعتنا على قناة المنبر الحسيني على اليوتيوب
الله يبارك بيك
ردحذفبارك الله فيك اني ملايه واقراهه بصوتي
ردحذف