قصيدة صاحو ادخلي مكتوبة
الشاعر : سيد محمود الموسوي
الرادود : ميرزا حيدر الابراهيمي
صاحو ادخيله واهتز شاربه
چان بالسيف ابوه يلاعبه
جيش سبعين الف ما عاجبه
هذا عباس .. هذا عباس
ابو فاضل .. ابو فاضل
🔹🔹🔹🔹🔹🔹🔹🔹
اللامة عرگت والمهر ..دخن الطف الظهر ومال من صفاحه
شال صميل الخيم ..هذا حمحام الشيم والمصگر الساحه
شخط رمحه بلامته ..فوگ ظهره ثبته واليفر بيه لاحه
نزل جبريل وبدت ..هو عباله گضت صفگاله جناحه
والسمه تنادي ياحياهه.. فرّحت حيدر بملگاهه
سيفك الحار صدگ چواهه
هذا عباس .. هذا عباس
ابو فاضل .. ابو فاضل
🔹🔹🔹🔹🔹🔹🔹🔹
ترجف متيهه الزلم ..موتاهم بس ردم والمطهم سامت
وگف ما عارك يصد ..الجيش كله عليه يهد وابو فاضل ثابت
شمّل بوجهه الزعل ..طگ عرج عينه ونزل والجيوش تناهت
وگف بچفوفه الهوه .. الچان وي حيدر سوه وي محمد بايت
رفن الفوگه رافت رايته
عرگن زنوده فتلت لامته
والدرع شاله طب بشارته
هذا عباس .. هذا عباس
ابو فاضل .. ابو فاضل
🔹🔹🔹🔹🔹🔹🔹🔹
زلمه عند الله كلف.. يخسف الحومة خسف والمتون دخيلها
عجت اتراب الحرب..موش عباس اليطب طبهه عزرائيلهه
الخضره بالطف دخنت ..زلم كلفه وتيهت يالمشمر خيلهه
الماله شارب مادره ..هذا سبع الگنطره والثجيله يشيلهه
شرگت گبال عظم عباسهه
فحط الخيل هلا بنوماسهه
الحومه گدامه شردت ناسهه
هذا عباس .. هذا عباس
ابو فاضل .. ابو فاضل
🔹🔹🔹🔹🔹🔹🔹🔹
شعل موگدهه الولي .. طبت ملوحه علي الله كض لواهه
سوده صارت كربله ..هله بالغيره هله حيدر وطباهه
تيه عليها الدرب ..عبرت لسابع حرب والزلم بچاهه
عرگت الگصه ودوت ..الگاع بيها تزلزلت واشتعل ملگاهه
وصلت الكوفه نص الحومه
المايلحگ نزعهه اهدومه
گمر هاشم ثجيله علومه
هذا عباس .. هذا عباس
ابو فاضل .. ابو فاضل
🔹🔹🔹🔹🔹🔹🔹🔹
غاض واحتر الهوه.. وعظم آدمهه انچوه ونفخ بيهه اعناده
طرهه خّيال الشگر..نزل من ظهر المهر رفع راس الساده
شال واطبگهه طبگ.. فتگ بالعسكر فتگ هوه هذا الراده
صفّگ لمهره العرش .. يلمهه ويرد ويطش والمخازر ناده
اترخه وتريسلهه وشالهه
الگاع صاحت هله بخيالهه
هذا زلمه علي ورجالها
هذا عباس .. هذا عباس
ابو فاضل .. ابو فاضل
#نشر_خادمة_العترة_ام_محمود_الشمري
حسنتم بارك الله فيك
ردحذف